提起「清華簡」，相信唔少史友都知道呢批竹簡係被盜墓者掠賣而流散海外，最後由清華大學校友趙偉國從香港購回並捐贈母校。經過鑒定之後，專家就認戚呢批竹簡係戰國中期偏晚嘅文物，當中內容就有《尚書》部分篇章以及周武王時期樂詩等，目前為止就只有一部份清華簡內容被發表。
相信唔少史友諗都冇諗過，呢批咁重要嘅竹簡竟然有呢樣猛料爆！早喺2011年清華簡就曾經發佈過第一輯研究成果，而以每年一冊嘅進度，今年就已經嚟到第十一輯，由呢套竹簡當中，我哋可以認知到原來喺兩千幾年前嘅古人，就已經有一套完整「三維空間」、天文數算、人倫道德、山川物產等等，甚至仲有好多我哋都聞所未聞嘅事。就好似人王「黃帝」嘅事跡。
清華簡當中除咗有描述到佢將「五紀」呢個系統具體實行，當中仲有提到「黃帝戰蚩尤」嘅故事。當中關於「蚩尤」完全更新咗我哋嘅認知，竹簡就以「黃帝有子曰蚩尤 蚩尤既長成人 乃作為五兵」嚟形容，如果呢件事係真，咁黃帝戰蚩尤咪即係父子之戰！
原圖嚟自網絡